Macarıstan və Türkiyə İsveçin NATO-ya daxil olması ilə bağlı razılığa gəlməyiblər və bu məsələni müstəqil şəkildə, o cümlədən öz milli parlamentlərində həll edəcəklər. Bunu ilin sonunda keçirilən mətbuat konfransında çıxış edən baş nazir Viktor Orban deyib.
O, Budapeşt və Ankaranın krallığın Şimali Atlantika Alyansına qəbulunu sinxronlaşdırmaq niyyətində olduğuna dair fərziyyələri təkzib edərək, “İsveçin NATO-ya daxil olması ilə bağlı Türkiyə-Macarıstan razılaşması yoxdur” deyib. Orban qeyd edib ki, Macarıstanda parlament üzvləri öz sözünü deməlidir. Onun sözlərinə görə, hökumət çoxdan onlara İsveçin qoşulması haqqında sazişi ratifikasiyaya göndərib, lakin onlar hələ ki, bu məsələni səsverməyə çıxarmağa “istəkli” deyillər.
2023-cü ildə Macarıstan deputatlarının əksəriyyəti, eləcə də ölkə hökuməti İsveç siyasətçilərinin Macarıstanda demokratiyanın vəziyyətini həddən artıq sərt tənqid etməsindən narazılıqlarını bildiriblər. Öz növbəsində Türkiyə İsveçdən öz ərazisində məskunlaşmış kürd separatçılarına qarşı daha sərt tədbirlər görmək istəyib. (Tass)