Fransa prezidenti Emmanuel Makron Praqada Çarlz Universitetində baş verən atışma nəticəsində insanların həlak olması ilə əlaqədar Çexiya xalqına və hakimiyyət orqanlarına başsağlığı verib. Bu barədə o, X (keçmiş Twitter) sosial şəbəkəsindəki səhifəsində yazıb.
“Mən qurbanlar, yaralananlar və onların yaxınları, eləcə də Çexiya xalqı və hakimiyyəti ilə həmrəy olduğumu bildirirəm”, – Fransa lideri bildirib.
Bundan əvvəl məlum olub ki, Çarlz Universitetinin fəlsəfə fakültəsində baş vermiş fövqəladə hadisə nəticəsində azı 10 nəfər həlak olub. Hücum edən şəxs polisin keçirdiyi əməliyyat zamanı öldürülüb. Çexiyanın daxili işlər naziri Vit Rakuşan cinayətkarın təkbaşına hərəkət etdiyini bildirib. (Tass)