İsrail Müdafiə Qüvvələrinin (IDF) əsgərləri Qəzza şəhərinin elit məhəlləsi adlanan ərazidə HƏMAS-ın strateji tunellərinin böyük şəbəkəsini məhv edib. Bu barədə ordunun mətbuat xidməti məlumat yayıb.
“Yaalom mühəndis bölməsi Qəzza şəhərində HƏMAS-ın elit məhəlləsində yeraltı tunellər şəbəkəsini məhv edib”, – deyə məlumatda bildirilir. Ordu əlavə edib ki, dekabrın 20-də “IDF Qəzza şəhərində HƏMAS-ın “elitar məhəlləsi”ndə inşa edilmiş terror infrastrukturunu, o cümlədən HƏMAS-ın yüksək hərbi və siyasi rəhbərliyinə məxsus sığınacaqları və qərargahları birləşdirən böyük strateji yeraltı tunellər şəbəkəsini aşkar edib”. “Bu gün (cümə axşamı) tunel şəbəkəsi nəzarətli şəkildə məhv edilib”, – mətbuat xidməti bildirib.
Çərşənbə günü hərbçilər bildiriblər ki, İDF radikal Fələstin hərəkatının hərbi və inzibati rəhbərliyinin fəaliyyət göstərdiyi Qəzza şəhərinin mərkəzində HƏMAS-ın “elitar məhəlləsi” üzərində tam nəzarəti bərqərar edib. (Tass)