Şiə Hizbullah partiyasının silahlı qanadının döyüşçüləri İsrailin şimalındakı Menara, Misgav Am, Shomera və Even Menachem yaşayış məntəqələrini artilleriya və minaatanlardan atəşə tutublar.
Qurumun hərbi-informasiya xidmətinin Telegram-kanalında yerləşdirilən bəyanatda bildirilir ki, əməliyyat “Qəzza zolağında İsrail işğalçılarına qarşı çıxan Fələstin müqavimət qüvvələrinə dəstək məqsədilə” həyata keçirilib. Birbaşa zərbələr nəticəsində düşmən itki verib.
Bundan əvvəl Hizbullah bölmələri İsrail ərazisinə 20-dən çox raket atıblar, onların düşməsi Yuxarı Qalileydəki Zarit və Ştula yaşayış məntəqələri arasındakı İsrail postlarına qeydə alınıb. Zərbələrin nəticələri və insan tələfatı barədə məlumat verilməyib.
Metulla qəsəbəsi yaxınlığındakı sərhəd bölgəsində İsrail hərbçiləri ilə atışma baş verib, atışma zamanı 4 əsgər yaralanıb. Hizbullah İsrail hərbi hava qüvvələrinin Rab-Taliatin kəndinə basqın etməsi nəticəsində öz sıralarında iki döyüşçünün həlak olduğunu açıqlayıb. (Tass)