Hindistan Hərbi Dəniz Qüvvələri regionda ticarət gəmiçiliyinin təhlükəsizliyini təmin etmək üçün Ərəb dənizində üç gəmi yerləşdirməyə qərar verib.
“Ərəb dənizində son zamanlar baş verən hücumları nəzərə alaraq, Hindistan Hərbi Dəniz Qüvvələri müxtəlif ərazilərdə Mormuqao, Kochi və Kolkata idarəolunan raket esmineslərini yerləşdirib”, – deyə onlar bildiriblər.
Dekabrın 23-də Hindistan sahillərindən 370 km aralıda kimyəvi tanker Chem Pluto pilotsuz təyyarə ilə hücuma məruz qalıb.
Bazar ertəsi səhər saatlarında qəzaya uğramış ticarət gəmisi Hindistan Sahil Mühafizəsinin Vikram gəmisinin müşayiəti ilə Mumbay limanına gəlib. “Hücum sahəsinin və gəmidə tapılan dağıntıların təhlili göstərir ki, bu, dron hücumu olub. Bununla belə, hücumun istiqamətini, istifadə olunan partlayıcının növünü və miqdarını müəyyən etmək üçün əlavə məhkəmə-texniki ekspertiza tələb olunacaq”, – hindli bildirib. (Tass)