Türkiyənin Milli Kəşfiyyat Təşkilatı (MİT) Suriyanın şimalında 3 bölgədə Kürdüstan Fəhlə Partiyasının (PKK) 50-yə yaxın hədəfini məhv edib. Bu barədə “TRT Haber” televiziya şirkəti kəşfiyyat xidmətlərindəki mənbələrə istinadən məlumat yayıb.
Məqsədli zərbələr yaraqlıların silah, partlayıcı maddələr və ərzaq saxladığı anbarları dağıdıb. Obyektlərdə, ehtimal ki, Türkiyənin PKK-nın Suriya qolu hesab etdiyi Xalq Müdafiə Qüvvələrinin (SDQ) rəhbərliyinin nümayəndələri olub.
MİT-in hava əməliyyatı Türkiyə Hərbi Hava Qüvvələrinin ötən həftənin sonu və bazar ertəsi Şimali İraq və Suriyaya endirdiyi zərbələrdən sonra keçirilir. Onlar PKK yaraqlılarının İraqın şimalında türk hərbçilərinə hücumu və 12 əsgərin ölümündən sonra həyata keçirilib. Hərbi mənbələrin məlumatına görə, bu günə qədər 60-a yaxın kürd yaraqlısı məhv edilib.
PKK Ankara tərəfindən terror təşkilatı kimi tanınır. Türkiyə hakimiyyəti bunu milli təhlükəsizliyə əsas təhdid adlandırır. Respublika ordusu vaxtaşırı İraq və Suriyanın şimalında kürd yaraqlılarına qarşı əməliyyatlar keçirir və bölgədə böyük bir qoşun dəstəsi saxlayır. (Tass)