“Serbiya zorakılığa qarşı” müxalifət koalisiyasının 1 minə yaxın tərəfdarı Belqradın mərkəzində Kralja Milana küçəsi ilə Ədliyyə Nazirliyinin binasına doğru yürüşə başlayıb. TASS müxbirinin hadisə yerindən verdiyi məlumata görə, etirazçılar Belqradın əsas magistrallarından birinin yolu ilə gedirlər.
Nümayişçilər aksiya təşkilatçılarının çağırışından sonra mitinq keçirdikləri Respublika Seçki Komissiyasının binasından hərəkətə başlayıblar. Etirazçılar dekabrın 24-də Belqrad meriyasına hücum cəhdi zamanı saxlanılanların hamısının dərhal azad edilməsini dəstəkləyən şüarlar səsləndirirlər. Bir çox etirazçı milli və Avropa simvolları, tütəklər və fitlər daşıyır.
“Serbiya Zorakılığa Qarşı” blokunun nümayəndələri dekabrın 17-də ölkədə keçirilən parlament və bələdiyyə seçkilərinin nəticələrinin saxtalaşdırıldığını iddia edirlər. Dekabrın 18-də müxalifət Respublika Seçki Komissiyasının binası yaxınlığında silsilə mitinqlərə başlayıb, dekabrın 24-də isə Belqrad şəhər administrasiyasının binasına basqın etməyə cəhd ediblər. İğtişaşlar polis tərəfindən yatırılıb, 38 nəfər saxlanılıb. Serbiya prezidenti Aleksandr Vuçiç Belqrad administrasiyasını ələ keçirmək cəhdini respublikanın suverenliyinə qəsd adlandırıb, ölkənin baş naziri Ana Brnabiç isə Moskvanın Belqradı potensial iğtişaşlarla bağlı xəbərdarlıq etdiyini bildirib. (Tass)