Şiə Hizbullah partiyasının silahlı qanadının dəstələri Livanla sərhəddən 2,5 km aralıda yerləşən İsrailin Kiryat Şmona şəhərini atəşə tutub.
Hizbullah hərbi informasiya xidmətinin Telegram kanalında yerləşdirilmiş bəyanatına görə, şiə döyüşçüləri bu sərhəd qəsəbəsinə çoxsaylı raket sistemlərindən 30 mərmi atıblar. Hücumun nəticələri barədə ətraflı məlumat verilməyib.
“Əməliyyat işğalçı qüvvələrin Qəzza zolağında və Livanın cənubunda dinc əhaliyə qarşı törətdiyi cinayətlərə cavab idi”, mətndə vurğulanır.
Günün ilk yarısında şiə birləşmələri İsrail ərazisinə 18 raket atıb, onlardan 8-i “Dəmir günbəz” hava hücumundan müdafiə sistemi tərəfindən ələ keçirilib. Zərbələr Yuxarı Qalileydə İsrailin möhkəmləndirilmiş ərazilərinə, həmçinin Şeba və Kfar Şuba yüksəkliklərinə endirilib. (Tass)