Misir və Qətərin vasitəçiliyi ilə Qəzza zolağında girovların dəyişdirilməsi təşəbbüsü radikal Fələstin qrupları ilə İsrail ordusu arasında 20 gün müddətinə atəşkəsin yaradılmasını nəzərdə tutur. Bu barədə Dubaydan (Birləşmiş Ərəb Əmirlikləri) yayımlanan Al Hadath telekanalı məlumat yayıb.
Onun sözlərinə görə, vasitəçilər tərəfindən hazırlanmış təkliflər arasında “İsrail həbsxanalarında saxlanılan müəyyən sayda fələstinlinin müqabilində Qəzzada girov qalan mülki şəxslərin azad edilməsi, həmçinin 20 gün müddətinə atəşkəs” var.
Kanalın mənbələrinin bildirdiyinə görə, Qəzza zolağında HƏMAS hərəkatının lideri Yəhya Sinvar Misir-Qətər təşəbbüsünə müsbət cavab vermək imkanını nəzərdən keçirir.
Son vaxtlara qədər HƏMAS liderləri hərəkatın mövqeyini dəfələrlə təsdiqləyiblər ki, bu da İsrail qüvvələri Qəzzada döyüşləri tamamilə dayandırana qədər radikalların əlində mümkün girovların mübadiləsinə dair hər hansı danışıqlardan imtina ilə nəticələnir. (Tass)