Fransa Dövlət Aviasiya Təhlükəsizliyi Xidmətinin keçmiş rəhbəri, Aviasiya Korpusunun generalı Bruno Klermon Rusiyanın havada Ukrayna üzərində əhəmiyyətli üstünlüyünü açıqlayıb.
“Bu sahədə Rusiya ordusunun üstünlüyü əhəmiyyətlidir. Bu, Ukrayna qoşunlarının irəliləməsinə mane olur”, – o, Valeurs Actuelles jurnalına müsahibəsində qeyd edib.
Generalın sözlərinə görə, iki ölkənin qüvvələrinin “Kiyev üçün əlverişsiz” müqayisəsini nəzərə alsaq, xüsusi əməliyyat zamanı “Rusiya hərbi-hava qüvvələri və donanmasının faktiki olaraq heç bir zərər görmədiyi” göz qabağındadır. O, “Ukraynanın əks-hücumunun uğursuz olduğunu”, “Rusiya 2022-ci ilin yayından müharibə iqtisadiyyatında olduğunu və Qərbin sanksiyalarından yan keçdiyini” vurğulayıb.
Bundan əlavə, Klermon Kiyevin çoxlu sayda müxtəlif Qərb avadanlıqlarına görə üzləşdiyi çətinliklərə diqqət çəkib. “Qərbin təchiz etdiyi hava hücumundan müdafiə sistemlərinin sayı əhəmiyyətlidir: Patriot, Mamba, NASAMS, IRIS-T, Crotale və s. Yüksək effektiv sistemlərin geniş çeşidi bombardmanın təsirini məhdudlaşdırmağa imkan verir. Amma eyni zamanda bu müxtəliflik təchizatı və logistikanı çətinləşdirir”, – deyə general bildirib. (Tass)