ABŞ-ın rəhbərlik etdiyi beynəlxalq koalisiya qüvvələrinin İraqda olmasının əsaslandırılması başa çatıb və Bağdad ölkədə xarici hərbçilərin mövcudluğuna son qoymaq üçün konkret tədbirlər görmək niyyətindədir. Bunu İraqın baş naziri Məhəmməd əl-Sudani deyib.
“Hökumət beynəlxalq koalisiyanın ölkədə mövcudluğunun əsaslandırılması başa çatdıqdan sonra dayandırılması ilə bağlı qəti mövqeyini təsdiqləyir” deyə əl- Sudani bildirib. İraqın baş naziri qeyd edib ki, hazırda ölkə hakimiyyəti “İraqda koalisiya qüvvələrinin mövcudluğuna son qoymaq üçün tədbirlər hazırlamaq üçün yaradılmış ikitərəfli komitə çərçivəsində danışıqların başlanması tarixini müəyyənləşdirir”.
Əl-Sudani koalisiya qüvvələrinin “dövlətə tabe olan və İraq ordusunun tərkib hissəsi olan” əl-Həşd əş-Şabi milislərinin mövqelərinə son hücumlarını pisləyib.
Yanvarın 4-də şiə Hizbullah əl-Nücəbə hərəkatının komandirlərindən biri Əbu Təqva Amerikanın pilotsuz təyyarəsinin Bağdadda endirdiyi zərbə nəticəsində öldürülüb, ən azı altı nəfər yaralanıb. Əbu Təqva hərəkatın 12-ci briqadasına rəhbərlik edib və eyni zamanda İraq şiə milisləri Əl-Həşd əş-Şaabinin tərəfdarı olub. Dekabrın 26-da ABŞ Mərkəzi Komandanlığı İraq və Suriyada koalisiya qüvvələrinə qarşı hücumlara cavab olaraq şiə qruplaşması “Kətaib Hizbullah”ın İraq ərazisindəki hədəflərinə hücumlar təşkil etdiyini açıqlayıb. Bundan sonra İraq hökuməti ABŞ-ın respublikadakı hədəflərə endirdiyi zərbələri ölkənin suverenliyini pozan düşmənçilik aktı kim qiymətləndirib. (Tass)