Türkiyəyə gələn ABŞ dövlət katibi Antoni Blinkeni İstanbul hava limanında Türkiyə Xarici İşlər Nazirliyinin departament rəhbəri və ABŞ diplomatik missiyasının rəhbərləri qarşılayıblar.
Anadolu Agentliyinin məlumatına görə , Türkiyə Xarici İşlər Nazirliyinin Amerika Departamentinin rəhbəri və ikitərəfli siyasi məsələlərə cavabdeh olan səfir Yaprak Balkan, ABŞ-ın Türkiyədəki səfiri Cefri Fleyk və İstanbuldakı baş konsulu Julie İade enişdə Blinkeni gözləyirmiş. Dövlət katibini hava limanının mühafizəsinin rəisi və bəzi rəsmi şəxslər də qarşılayıblar.
Türkiyədə ictimaiyyət xarici qonaqların, xüsusən də ABŞ nümayəndələrinin görüşlərinin protokolunu diqqətlə izləyir. Salamlaşma və ya müəyyən jestlərin nüanslarının Türkiyə tərəfinin əhval-ruhiyyəsini və ölkələr arasındakı münasibətlərin vəziyyətini əks etdirdiyi güman edilir. (Tass)