Türkiyə prezidenti Rəcəb Tayyib Ərdoğan İstanbulda ABŞ dövlət katibi Antoni Blinkeni qəbul edib. CNN Türk xəbər verir ki, görüş dövlət katibi ilə Türkiyənin xarici işlər naziri Hakan Fidan arasında danışıqlardan sonra baş tutub və mediaya qapalı olub.
Türkiyə və ABŞ xarici işlər nazirləri Qəzza böhranı, İsveçin Türkiyə parlamentində baxılan NATO-ya üzvlük müraciəti, Vaşinqtonun Ankaraya F-16 qırıcıları satması və Türkiyə-Amerika əlaqələrini müzakirə ediblər.
Blinken Türkiyəyə cümə günü axşam gəlib. ABŞ dövlət katibi Türkiyənin ardınca Yunanıstan, İordaniya, Qətər, BƏƏ, Səudiyyə Ərəbistanı, İsrail, Fələstin və Misirə səfər edəcək.