İşsizlikdən sığortanın təkmilləşdirilməsi mexanizmi hazırlanıb və qanunvericilik dəyişiklik layihələri müvafiq icra hakimiyyəti orqanlarına təqdim edilib.
“Report” xəbər verir ki, bunu Əmək və Əhalinin Sosial Müdafiəsi Nazirliyi yanında Dövlət Məşğulluq Agentliyinin İdarə Heyətinin sədri Mustafa Abbasbəyli yanvarın 9-da keçirdiyi brifinqdə deyib.
Onun sözlərinə görə, məqsəd işsizlikdən sığorta mexanizmində yeni yanaşma hallarının unifikasiyası, sığorta stajı və sığorta ödənişinin alınma müddətlərinin proporsionallaşdırılmasıdır.
Agentlik sədri vurğulayıb ki, keçən il 5 628 nəfərə ictimai işlər üzrə haqq ödənilib: “Hazırda 48 675 işçi ictimai işlərdə çalışır”.