Təxminən 100 çex döyüş helikopteri pilotu, texniki işçisi və logisti Polşa helikopter pilotları ilə birgə təlim keçmək və NATO-nun şərq cinahını gücləndirmək üçün Polşaya gəlib. Bu barədə Polşa Müdafiə Nazirliyi yanında Hərbi Nəşriyyat İnstitutunun “Polska Zbrojna” portalı məlumat yayıb.
Məqalədə deyilir ki, hava xüsusi əməliyyat bölməsinin polşalı pilotları ilə qarşılıqlı əlaqə, NATO-nun şərq cinahının gücləndirilməsi və birgə təlim – bir neçə gündür Povidzdə yerləşən çex pilotlarını belə vəzifələr gözləyir. Polşaya Mi-17 helikopterləri də gəlib. Portal qeyd edib ki, bundan əvvəl onlar NATO standartlarına uyğun hazırlıq imtahanından keçiblər. Bildirilir ki, Namesti nad Oslavudakı 22-ci helikopter aviasiya bazasından üç Çexiya Mi-17 helikopteri Povidzdəki 33-cü nəqliyyat aviasiya bazasına enib.
“Vertolyotlar və yüzə yaxın pilot, texniki və logistik yaxın 12 ay ərzində Polşada qalacaqlar”, – portal xüsusi təyinatlılar bölməsinin mətbuat katibi Mariuş Lapetin sözlərindən sitat gətirir. Onun sözlərinə görə, helikopter bölməsinin əsas vəzifəsi “Polşa silahlı qüvvələri və NATO strukturlarına inteqrasiya olunmuş müttəfiq birləşmələrlə əməkdaşlıq” olacaq.
Bildirilir ki, birgə təlimlər çərçivəsində hava kəşfiyyatı, daşıma və eniş üzrə təlimlərin keçirilməsi planlaşdırılır. (Tass)