Böyük Britaniyanın baş naziri Rişi Sunak cümə axşamı Nazirlər Kabinetinin üzvləri ilə video vasitəsilə görüş keçirəcək və bu görüş zamanı Yəmənin Ənsar Allah üsyançı hərəkatının Qırmızı dənizdəki hərəkətlərinə Qərb koalisiyasının mümkün cavabını müzakirə edəcəklər. Bu barədə The Times qəzetinin jurnalisti Stiven Svinford X (keçmiş Twitter) səhifəsində məlumat verib.
Müzakirə mövzusunun “Böyük Britaniya və ABŞ-ın Yəməndəki husilərə qarşı hərbi zərbələri” olacağı gözlənilir. Svinford qeyd edib ki, krallığın hərbi-hava qüvvələri və donanması əməliyyatda iştirak edə bilər.
O əlavə edib ki, yanvarın 11-də səhər hökumətin fövqəladə Kobra komitəsinin iclası, daha sonra isə Böyük Britaniya Milli Təhlükəsizlik Şurasının iclası keçirilib. “Görünür, hadisələr sürətlə inkişaf edir” deyə jurnalist yazıb. (Tass)