Yəmənin Ənsar Allah (Husi) üsyançı hərəkatının Siyasi Büro üzvü Əli əl-Kahum Qırmızı dənizdə döyüşlərin davam edəcəyini, ABŞ və Böyük Britaniyanın hücumlarına görə peşman olacağını bildirib. Bu barədə İranın Tasnim xəbər agentliyi məlumat yayıb.
Agentliyin məlumatına görə, Əli əl-Kahum deyib ki, “müharibə hələ də davam edir və amerikalılar və ingilislər hücuma görə peşman olacaqlar və bunun üçün yüksək qiymət ödəyəcəklər”.
ABŞ və Britaniya silahlı qüvvələri cümə günü, yanvarın 12-də husilərə qarşı hərbi əməliyyata başlayıb. Hudeydə liman şəhərinin ətrafı, eləcə də Səna, Əl-Hodeyda, Saada və Damar əyalətlərindəki obyektlər aktiv şəkildə atəşə tutulub. (Tass)