Finlandiya miqrantların şərq sərhədindən icazəsiz gəlməsini Rusiyanın digər şeylərlə yanaşı, Avropa İttifaqı və NATO-ya qarşı düşmən hərəkəti kimi qiymətləndirir və onun hakimiyyət orqanları mövcud vəziyyəti həll etmək üçün daimi həll yolu axtarır. Finlandiya Xarici İşlər Nazirliyinin rəhbəri Elina Valtonen bu barədə MTV3 telekanalına müsahibəsində danışıb.
Bu həftə keçid məntəqələrinin bağlanmasına baxmayaraq, dövlət sərhədini qanunsuz keçərək Finlandiyadan sığınacaq istəyən miqrantlar gəlməyə başlayıb. Finlandiya sərhədçiləri bundan əvvəl iki gün ərzində 15 nəfərin gəldiyini bildiriblər. “Bu, yeni bir hadisədir və buna çox ciddi yanaşılır. Tamamilə aydındır ki, yerdəki sərhədi keçmək olmaz. Bu, həm Rusiyaya, həm də Rusiya hakimiyyətinə eyni dərəcədə bəllidir və ona görə də bu istiqamətdə vəziyyət çox ciddidir. “Rusiyanın hərəkətləri nəinki planlaşdırılmış görünür, həm də təssüf ki, təhdid qiymətləndirməsi sabitdir” fikrini ifadə edən Valtonen deyib.
Finlandiya hökuməti “sərhəddə çox fərqli şeylərin baş verə biləcəyinə” hazırlaşır. “Biz vəziyyəti öyrənib aydınlaşdıracağıq və təbii ki, bütün mümkün variantlara hazırlaşacağıq. Hələlik şərq sərhədi daha bir ay bağlı qalacaq və bu müddət ərzində daha qalıcı həll yolu axtarılacaq”.
Onun sözlərinə görə, Finlandiya digər ölkələr və təşkilatlarla birlikdə seçimlər axtarır. “Bəli, alternativlər var və biz tərəfdaşlarımızla birlikdə onları axtarırıq.Ən əsası odur ki, biz tez və qətiyyətlə hərəkət edək və tərəfdaş ölkələrə başa salaq ki, bu, sığınacaq axtaran şəxsin sıradan bir müraciəti deyil, amma Rusiyanın təkcə Finlandiyaya qarşı deyil, həm də Avropa İttifaqı və NATO-ya qarşı yönəlmiş düşmən hərəkətidir”, – Finlandiya Xarici İşlər Nazirliyinin rəhbəri vurğulayıb. (Tass)