2023-cü ildə Azərbaycanda informasiya və rabitə sahəsində əsas kapitala 373,2 milyon manat investisiya yönəldilib.
“Report” xəbər verir ki, bu, 20 il əvvəlki göstərici ilə müqayisədə 317 milyon manat və ya 6,6 dəfə çoxdur.
Son 20 ildə adıçəkilən sektorda 2 milyard 151,4 milyon manat əlavə dəyər yaradılıb ki, bu da 2003-cü ilin göstərici ilə müqayisədə 2 milyard 006,1 milyon manat və ya 14,8 dəfə çoxdur.
2023-cü ildə qeydiyyatda olan radioelektron vasitələrin sayı 62 728 ədəd təşkil edib ki, bu da 20 il əvvəki göstəricidən 2 dəfə çoxdur. 2003-cü ilin göstəricisi ilə müqayisədə ötən il qeydiyyatda olan radiotezlik istifadəçilərinin sayı isə 2,8 dəfə artaraq 837-ə çatıb.