Rusiya və İran prezidentləri Vladimir Putin və İbrahim Rəisinin görüşünün vaxtı hələ müəyyən edilməyib, Rusiya dövlət başçısının mətbuat katibi Dmitri Peskov TASS-a bildirib.
“Xeyr. Hələlik dəqiq tarixlər yoxdur”, – o, Rusiya Federasiyası və İran prezidentləri arasında təmasların nə vaxt baş tutacağına dair planların olub-olmaması sualına cavab verib.
Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, ölkə prezidentləri arasında ən yaxın təmaslardan biri zamanı Rusiya və İran arasında yeni dövlətlərarası sazişin imzalanması gözlənilir.
Ölkələr arasında əməkdaşlığı strateji tərəfdaşlıq səviyyəsinə çatdırmaq məqsədi ilə Rusiya və İran arasında böyük dövlətlərarası saziş üzərində iş gedir. Zaxarovanın sözlərinə görə, sazişin imzalanması ikitərəfli münasibətlərin “əsrlik tarixində mühüm mərhələ” olacaq. (Tass)