BMT-nin baş katibi Antonio Quterreş Davosda keçirilən Dünya İqtisadi Forumunda çıxışı zamanı Fələstin-İsrail münaqişəsi ilə bağlı vəziyyətdə beynəlxalq ictimaiyyətin fəaliyyətsizliyinə diqqət çəkib və Qəzza zolağında dərhal atəşkəs əldə etməyə çağırıb.
“Əsasən qadın və uşaqlar olan mülki əhalinin öldürüldüyü, şikəst edildiyi, bombalandığı, evlərini tərk etməyə məcbur edildiyi və humanitar yardımdan məhrum edildiyi bir vaxtda dünya susur.” “Mən təcili humanitar fəaliyyətə çağırışımı bir daha təkrar edirəm” , həmçinin iki dövlətli həll, israillilər və fələstinlilər üçün davamlı sülhə gətirib çıxaracaq”- deyə o vurğulayıb.
Dünya təşkilatının rəhbəri vurğulayıb ki, “bu, əzabları yüngülləşdirməyin və bütün regionu alovlandıracaq [münaqişənin] genişlənməsinin qarşısını almağın yeganə yoludur”. (Tass)