İran Pakistanı əmin edib ki, Tehran onun suverenliyinə və ərazi bütövlüyünə hörmət edir və onun ərazisindəki zərbələr iranlı terrorçulara qarşı yönəlib. Bunu Davosda keçirilən Dünya İqtisadi Forumunda çıxışı zamanı İranın xarici işlər naziri Hüseyn Əmir Abdullahian deyib.
“Biz Pakistan torpaqlarında iranlı terrorçuları hədəf alırdıq. Mən həmkarım, Pakistanın xarici işlər naziri ilə danışdım və onu əmin etdim ki, Pakistanın suverenliyinə və ərazi bütövlüyünə hörmət edirik”. Onun sözlərinə görə, İranın hərəkətləri “Pakistanın və bütün regionun təhlükəsizliyinin maraqlarına uyğundur”.
“Biz milli təhlükəsizliyimizin təhlükə altına düşməsinə imkan verməyəcəyik. Söhbət milli maraqlarımızdan gedirsə, heç bir tərəddüdümüz yoxdur”, – XİN rəhbəri vurğulayıb. (Tass)