Birləşmiş Ştatlar Yəmənin husi üsyançıları Ənsar Allah ilə müharibə etmir və münaqişənin Yaxın Şərqdə böyüməsini istəmir. Bu barədə Pentaqonun mətbuat katibi Patrik Rayder bildirib.
“Biz husilərlə müharibə aparmırıq. Aydındır ki, biz münaqişəni yaymağa çalışmırıq, lakin bu ehtiyatsız hücumların davam etməsinə icazə verə bilmərik” deyib.
Rayder qeyd edib ki, Birləşmiş Ştatlar husilərin mövqelərinə zərbələr endirməklə “husilərin imkanlarını sarsıtmaq və azaltmaq kimi istənilən effekti əldə edib”. “Başqa sözlə, biz vurmaq istədiyimiz hədəfləri vurduq”.
Bundan əvvəl ABŞ Qırmızı dəniz və Ədən körfəzində ticarət gəmilərinə edilən hücumlara görə Ənsar Allah hərəkatını yenidən terror təşkilatları siyahısına salmışdı. (Tass)