Rusiya xarici işlər naziri Sergey Lavrov 2023-cü ildə Rusiya diplomatiyasının yekunlarına həsr olunmuş mətbuat konfransında qeyd edib ki, Ermənistanla Azərbaycan arasında normallaşma istiqamətində irəliləyişin olmaması İrəvanın mövqeyindən qaynaqlanır və bu mövqeyə Qərb tərəfindən tövsiyələr verilir.
“Hörmətlə mən bunun səbəbini İrəvanın mövqeyində görürəm”, – Rusiya Xarici İşlər Nazirliyinin rəhbəri müvafiq suala cavab verib.
“İrəvana kimin məsləhət verdiyini bilmirəm. Amma biz Avropa İttifaqı, Fransa, Almaniya və ABŞ-ın Rusiya-Ermənistan-Azərbaycan prosesinin nəticə verdiyini anlayan kimi dərhal müdaxilə etdiyini gördük. Həm marşrutların açılmasında, həm sərhədlərin müəyyənləşdirilməsində, həm də sülh müqaviləsi hazırlandıqdan sonra onlar dərhal dəvət olmadan bu proseslərə sızmağa və spoyler rolunu oynamağa başladılar”, – Lavrov bildirib.
Rusiya xarici siyasət idarəsinin rəhbəri Qərbin münasibətlərin normallaşdırılması üzrə danışıqlara müdaxiləsi kontekstində qeyd edib ki, 2003-cü ildə Rusiya vasitəçilik rolunu oynayıb və Kişinyov və Tiraspolla memorandumun mətnini razılaşdırıb, hətta paraflanıb. . Lakin saziş Avropa İttifaqının Moldovaya təzyiqi səbəbindən imzalanmayıb, Lavrov vurğulayıb. “Həmçinin 7 il əvvəl Minsk razılaşmaları yerinə yetirilsəydi, Ukrayna problemi həll oluna bilərdi. Lakin Qərb buna imkan vermədi”, – Lavrov deyib. (Tass)