İranın Sistan və Bəlucistan əyalətinin iki ölkə sərhədində yerləşən Seravan rayonu yaxınlığında Pakistanın hava hücumları nəticəsində ölənlərin sayı 10-a çatıb. Ölənlərin hamısı pakistanlıdır, əyalət qubernatorunun təhlükəsizlik məsələləri üzrə müavini deyib.
“Bu hücum nəticəsində dörd ev dağıdılıb və hamısı pakistanlı olan 10 nəfər həlak olub”, – Tasnim agentliyi rəsmidən sitat gətirib. Onun sözlərinə görə, yerli vaxtla saat 04:00-da üç pilotsuz təyyarə vurulub. Daha əvvəl üç qadın, dörd uşaq və iki kişinin öldürüldüyü bildirilmişdi.
Bundan əvvəl Pakistan Xarici İşlər Nazirliyi bildirib ki, hərbçilər antiterror əməliyyatı keçirib, onun çərçivəsində Sistan və Bəlucistan əyalətində terrorçuların sığınacaqlarına zərbələr endirilib. (Tass)