NATO-nun son onilliklərin ən böyük təlimi gələn həftə başlayır. Bunu NATO-nun Avropadakı Müttəfiq Silahlı Qüvvələrinin Ali Baş Komandanı Kristofer Kavoli alyansın hərbi komitəsinin iki günlük iclasının yekunları üzrə Brüsseldə keçirdiyi mətbuat konfransında deyib.
Onun sözlərinə görə, “Son onilliklərin ən böyük təlimi” olan “Steadfast Defender 2024”də NATO ölkələrindən və İsveçdən 90 minə yaxın hərbçi iştirak edəcək.
“Bu, bizim birliyimizin, gücümüzün və bir-birimizi qorumaq əzmimizin bariz nümayişi olacaq. Alyans qüvvələri Şimali Amerikadan köçürməklə Avro-Atlantik regionu gücləndirmək qabiliyyətini nümayiş etdirəcək”, – Kavoli bildirib.
Eyni zamanda, DPA agentliyi mənbələrə istinadən xəbər verir ki, “Sabit Müdafiəçi” təlimləri fevral ayında başlayacaq. (Tass)