Litva əlavə olaraq Ukraynaya zirehli texnika, döyüş sursatları və pilotsuz uçuş aparatları təhvil verəcək. Bunu Baltik Respublikasının prezidenti Qitanas Nauseda Vilnüsdə səfərdə olan polşalı həmkarı Anjey Duda ilə birgə mətbuat konfransında deyib.
“İki il davam edən müharibədə biz Ukraynanı intensiv surətdə silahla təmin etmişik və anbarlarımızdakı ehtiyatlar xeyli azalıb: “Buna baxmayaraq, biz əlavə olaraq Ukraynaya pilotsuz uçan aparatlarla mübarizə üçün zirehli texnika, sursat və texnika göndərəcəyik”.
Nauseda qeyd edib ki, Litva ölkənin ümumi daxili məhsulu (ÜDM) baxımından Kiyevə yardım göstərən liderlərdən biridir. “Göstərdiyimiz yardım ÜDM-in 1,45%-ni təşkil edir” deyib.
Baltikyanı respublikanın müdafiə naziri Arvidas Anusauskasın qeyd etdiyi kimi, Vilnüsün Kiyevə göstərdiyi hərbi yardımın ümumi dəyəri 500 milyon avronu keçib.Bundan başqa, Litva müntəzəm olaraq Ukraynaya müxtəlif qeyri-hərbi yüklər göndərib. (Tass)