Litvada Litvanın Zoknyai aviabazasında yerləşdirilən Şimali Atlantika Alyansının qırıcılarının iştirakı ilə Hərbi Hava Qüvvələrinin təlimləri keçirilir. Bu barədə Baltikyanı respublikanın ordu komandanlığı məlumat yayıb.
“Fevralın 2-dək Panevezis və Klaypeda vilayətlərinin əraziləri Litva Hərbi Hava Qüvvələri və NATO-nun “Arsus vilkas” aviasiya təlimləri (“Qəzəbli canavar” – TASS qeydi) zonasında olacaq”, – məlumatda deyilir.
Təlimdə Litva Hərbi Hava Qüvvələrinin helikopterləri, Zokniai aviabazasında dörd aylıq rotasiyada yerləşdirilən NATO qırıcıları, Baltikyanı üç ölkənin səmasında patrulluq edən, eləcə də MQ-9 Reaper uzaqmənzilli pilotsuz təyyarələri iştirak edir.
“Beynəlxalq təlimin məqsədi Litvada dislokasiya olunmuş NATO-nun qabaqcıl birləşmiş batalyonunun qüvvələrinin planlaşdırılması, havadan atəş dəstəyinin əlaqələndirilməsi və hava hücumlarının həyata keçirilməsidir”, – komandanlıq qeyd edib. (Tass)