Fələstinin HƏMAS radikal hərəkatı anklavda sülhü təmin etmək üçün saxlanılan bütün israilli girovları azad etməli və Qəzza zolağına nəzarətdən əl çəkməlidir. Bu fikri Britaniya parlamentinin İcmalar Palatasında (aşağı palata) çıxışı zamanı Böyük Britaniyanın baş naziri Rişi Sunak deyib.
“Böyük Britaniya Qəzzada döyüşlərin mümkün qədər tez dayandırılmasını istəyir. Döyüşlərə, dağıntılara və ölümlərə qayıtmadan davamlı daimi atəşkəs yolunda mühüm addım olaraq, yardımların çatdırılmasına və girovların çıxarılmasına icazə vermək üçün təcili humanitar fasilənin verilməsini müdafiə edirik”. Amma buna nail olmaq üçün HƏMAS bütün girovları azad etməyə razı olmalıdır. Onlar [HƏMAS] artıq Qəzzanı idarə edə bilməzlər. HƏMAS-dan gələn terror və raket hücumları təhlükəsinə son qoyulmalıdır. Fələstinin milli Hakimiyyəti [anklavı] idarə etmək və təhlükəsizliyi təmin etmək üçün Qəzzaya qayıdır” deyib.
Sunak qeyd edib ki, Britaniya hökuməti ardıcıl olaraq Yaxın Şərq münaqişəsinin iki dövlətin birgə yaşaması prinsipi əsasında həllini müdafiə edib. Krallığın baş naziri onu da vurğulayıb ki, London İsrailin Aşdod limanı vasitəsilə Qəzzaya humanitar yardımın çatdırılmasını təmin etmək niyyətindədir. Onun sözlərinə görə, bu məsələ bazar ertəsi ABŞ prezidenti Co Baydenlə telefon danışığı zamanı müzakirə olunub. (Tass)