Birləşmiş Ştatlar İranı Yaxın Şərqdə mövcud böhranı gücləndirə biləcək hərəkətlərə qarşı xəbərdarlıq edib. Bunu çərşənbə axşamı BMT Təhlükəsizlik Şurasında Yaxın Şərqdəki vəziyyətlə bağlı açıq debatda çıxış edən ABŞ dövlət katibinin mülki təhlükəsizlik, demokratiya və insan haqları üzrə müavini Uzra Zeya deyib.
“Birləşmiş Ştatlar dəfələrlə İrana və onun müvəkkillərinə daha geniş münaqişəyə səbəb ola biləcək hücumlara başlamaq üçün fürsətdən istifadə etməmələri barədə xəbərdarlıq edib”, – deyə xarici işlər nazirinin müavini bildirib.
“Biz İranın İraq və Pakistanda yerləşən ərazilərə hücumlarını qınayırıq ”, – deyə Zeya qeyd edib. Eyni zamanda, o, Vaşinqton adından Yəmən üsyançı hərəkatı Ənsar Allah (Husi) addımlarını, o cümlədən onların Qırmızı dənizdə gəmiləri atəşə tutmasını pisləyib.
“Və açıq deyim: Birləşmiş Ştatlar regiondakı şəxsi heyətini və maraqlarını qorumaq üçün beynəlxalq hüquqa uyğun müvafiq müdafiə tədbirləri görməyə davam edəcək”, – diplomat əlavə edib. (Tass)