Slovakiyanın baş naziri Robert Fiko ukraynalı həmkarı Denis Şmıqalla danışıqlar aparmaq üçün Ujqoroda gəlib və o, hərbi yardımın dayandırılması barədə Ukrayna hakimiyyətini məlumatlandırmaq niyyətindədir.
Şmıqal Telegram kanalında yazıb ki, o, “konstruktiv və praktiki dialoqa” ümid edir. Lakin Fiko bundan əvvəl bildirib ki, bu görüşdə həmsöhbətinə Slovakiyanın Ukraynaya hərbi yardımını dayandıracağını və onun NATO-ya daxil olmaq planlarını dəstəkləmədiyini bildirəcək. Slovakiyanın baş nazirinin sözlərinə görə, Bratislava Şimali Atlantika Alyansında veto hüququndan istifadə etməyə hazırdır, çünki Ukraynanın birliyə mümkün daxil olması “üçüncü dünya müharibəsinin əsası” olmaq riski daşıyır.
Fiko həmçinin vurğulayıb ki, əgər Ukraynanın Aİ-yə daxil olması planlarından danışsaq, Kiyev bütün namizəd dövlətlər qarşısında qoyulan “şərtləri yerinə yetirməlidir”. Slovakiyanın baş naziri həmçinin bildirib ki, “Ukrayna ABŞ-ın tam nəzarəti və təsiri altındadır”. (Tass)