Milli Azərbaycan Tarixi Muzeyinin Elmi şurasının qərarı ilə “Mən Bakı milyonçusu Tağıyevin qızıyam” adlı kitab nəşr olunub.
Bu barədə AZƏRTAC-a muzeydən məlumat verilib.
Kitabın müəllifi muzeyin elmi işlər üzrə direktor müavini, tarix elmləri doktoru Fərhad Cabbarovdur.
Məşhur xeyriyyəçi Hacı Zeynalabdin Tağıyevin qızı Sara Sarayeva-Tağıyevanın həyatına həsr olunmuş nəşrdə muzeyin dəyərli eksponatları (fotoşəkillər, sənədlər) yer alıb və Sara xanımın müxtəlif instansiyalara göndərdiyi məktublar haqqında ətraflı məlumat verilib.