Britaniya kəşfiyyat xidmətinin bir hissəsi olan Milli Kibertəhlükəsizlik Mərkəzinin (NCSC) hesabatına görə, süni intellektin (AI) sürətli inkişafı yaxın iki ildə kiberhücumların sayının sürətlə artmasına səbəb olacaq.
Mütəxəssislər deyirlər ki, “Süni intellekt demək olar ki, yaxın iki il ərzində kiberhücumların həcmini və təsirini artıracaq”. Bu texnologiya məlumat əldə etmək qabiliyyətinin əhəmiyyətli dərəcədə artmasına, həmçinin sosial mühəndislik metodlarından istifadənin səmərəliliyinin artmasına gətirib çıxarır, eyni zamanda daha çox məxfilik səviyyəsini təmin edir.
Sənədə əsasən, süni intellekt “demək olar ki, Böyük Britaniyaya qarşı kiberhücumları effektiv edəcək, çünki təcavüzkarlar oğurlanmış məlumatları daha tez təhlil edə və modellərini öyrətmək üçün onlardan daha səmərəli istifadə edə biləcəklər”. Eyni zamanda, hökumətin dəstəyi ilə müxtəlif ölkələrdən olan hakerlər “zərərli proqramların yaradılması kimi mürəkkəb kiber əməliyyatlar” həyata keçirərkən “ bu texnologiyanın potensialından ən effektiv şəkildə istifadə edə biləcəklər”, – deyə hesabatda bildirilir.
Yanvarın 17-də BMT-nin baş katibi Antonio Quterreş Davosda Dünya İqtisadi Forumunda çıxışında süni intellektin bəşəriyyət üçün böyük faydalı potensiala malik olduğunu, lakin eyni zamanda onun inkişafının ciddi və gözlənilməz risklərlə dolu olduğunu bildirib. O, həmçinin qeyd edib ki, mənfəət güdərkən güclü texnologiya şirkətləri, o cümlədən süni intellektin inkişafı ilə məşğul olan şirkətlər “insan hüquqlarına, məxfiliyə və sosial nəticələrə ehtiyatsızcasına məhəl qoymurlar”. (Tass)