ABŞ və İraq tezliklə Amerika qoşunlarının Yaxın Şərq ölkəsindən çıxarılması ilə bağlı danışıqlara başlayacaq. Bu barədə CNN mənbələrə istinadən məlumat yayıb.
Onun sözlərinə görə, “ABŞ və İraq Ali Hərbi Komissiya çərçivəsində dialoqa başlamaq üçün razılaşmaya yaxındırlar” və bu zaman gələcək əməliyyatın həyata keçirilməsi üçün addımların müəyyən ediləcəyi gözlənilir.
Qeyd edilib ki, Vaşinqton qoşunların çıxarılması cədvəlində İraqdakı mövcud vəziyyəti, hökumətin və təhlükəsizlik qüvvələrinin sabitlik dərəcəsini nəzərə almasını istəyir. Öz növbəsində İraq rəhbərliyi hesab edir ki, qoşunların çıxarılması tarixləri heç bir vəziyyətdən asılı olmamalıdır. (Tass)