Fransanın İsrailin hücumlarını davam etdirdiyi Qəzza zolağı sərhədində “bufer zona” yaratmasına qarşı olduğu bildirilib.
Haaretz qəzetinə danışan bir fransız rəsmisi qeyd edib ki, onun ölkəsi “Qəzzənin ərazi bütövlüyünü təhlükə altına qoyan və ya onun həcmini azaldan hər hansı təşəbbüsə qarşıdır”.
Rəsmi bildirib ki, “Fələstin rəhbərliyi Qəzzada öz səlahiyyətlərini tam şəkildə həyata keçirə bilməlidir. Nə İsrail nə də başqa heç kim fələstinlilərin öz ərazilərini və ya sabah onu necə idarə edəcəklərinə qərar verə bilməz”.
İsrail mətbuatında əksini tapan xəbərə görə, İsrail ordusunun Qəzzanın sərhəd xəttində “tampon zona” yaratmaq üçün bəzi yerlərdə binaları sökməyə başladığı bildirilib. (TRT Haber)