İsrail ordusu şiə Hizbullah milislərinin döyüşçülərinin silahlı hücumlarına cavab olaraq Livanın cənubunda intensiv artilleriya və tank atəşləri həyata keçirir.
Livan 24 xəbər portalının verdiyi məlumata görə , şiə döyüşçülərinin fəaliyyət göstərdiyi Alma əş-Şaab, Blida, Kfar Killa, Rəşaya əl-Fuxar, Teir Harfa və əl-Xəbəriyyə yaşayış məntəqələri atəşə tutulub. Yerli hakimiyyət orqanları mərmilərin vurulması nəticəsində yaşayış və yardımçı tikililərin dağıldığını, iki nəfərin öldüyü barədə məlumat verib.
Bundan əvvəl İsrail Hərbi Hava Qüvvələrinin qırıcıları Hizbullahın Birket Cabbur hərbi bazasına hücumu zamanı pilotsuz uçuş aparatlarının buraxılması üçün istifadə edilən ərazini məhv ediblər. Hava hücumu şiə birləşmələrinin postlarından birinin yerləşdiyi, sərhədyanı Əl-Bəzuriya kəndi yaxınlığındakı Hanin dağlıq ərazisinə həyata keçirilib və oradan İsrail ərazisini çoxsaylı raket sistemlərindən atəşə tutub.
Portalın məlumatına görə, 2023-cü il oktyabrın 8-də Livanın cənubunda hərbi eskalasiya başlayandan bəri 39 mülki şəxs İsrailin hücumlarının qurbanı olub. Hizbullah birləşmələri sərhəd əməliyyatları zamanı 164 döyüşçünü itirib. Cənub rayonlarından didərgin düşmüş insanların sayı 150 minə çatıb. (Tass)