Ukraynanın döyüş meydanındakı uğursuzluqları Qərbin Kiyevə yardımını azaltmaq üçün bəhanəyə çevrilməməlidir. Bu barədə Ukraynanın xarici işlər naziri Dmitri Kuleba Amerikanın “Foreign Affairs” jurnalına müsahibəsində bildirib.
“Ukraynada yerdə nə baş verirsə, bu, dəstəyi azaltmaq üçün bəhanə kimi istifadə edilməməlidir”, – Kuleba ölkənin silahlı qüvvələrinin uğursuz əks-hücum əməliyyatı ilə bağlı sualı cavablandırıb.
Kulebanın sözlərinə görə, Ukrayna Qərbin yardımlarının azaldılması səbəbindən resurs çatışmazlığı ilə üzləşsə belə, münaqişəni dayandırmağa və Rusiya ilə danışıqlara razı olmayacaq və mübarizəni davam etdirəcək. “Ukraynaya maliyyə və hərbi dəstəyi inkar etmək istəyənlərin hesablamaları necədir? Ola bilsin ki, onların hesablaması ondan ibarətdir ki, əgər bunu etsələr, Ukrayna Rusiyaya güzəştə getməyin və Rusiya ilə danışıqlara başlamağın vaxtının yetişdiyini başa düşəcək”, – nazir bildirib.
Eyni zamanda, Ukrayna Xarici İşlər Nazirliyinin rəhbəri hesab edir ki, Qərb Ukraynanı məğlub etməmək üçün ona yardımı bərpa etməyə məcbur olacaq. “Döyüş meydanında vəziyyət daha da pisləşəcək. Biz artıq iki-üç ay əvvəlkindən daha çox artilleriya sursat qıtlığını yaşayırıq”, – deyə o, şikayət edib. (Tass)