Litva, Latviya və Estoniyanın gömrük xidmətləri Rusiya və Belarus ərazisindən keçən Aİ-nin sanksiyalarına məruz qalan malların kateqoriyalarına nəzarət üçün vahid prosedur rejimi tətbiq etməyə razılaşıblar. Bu barədə Litva Gömrük İdarəsi məlumat yayıb.
“Rusiya və Belarus vasitəsilə üçüncü ölkələrə daşınan sanksiya tətbiq edilmiş yüklərə nəzarəti gücləndirmək üçün vahid nəzarət sistemi tətbiq edilir”, – deyə məlumatda bildirilir.
Baltikyanı ölkələrin gömrük xidmətləri daşınan malların istehsalçısından bəyannamə tələb etməyə razılaşıblar. Daşıyıcılara tövsiyə olunur ki, sanksiya tətbiq olunan malların və daşıdıqları digər yüklərin tranzit olaraq yalnız Rusiya və Belarus ərazisindən keçəcəyini diqqətlə yoxlasınlar. (Tass)