Sülh müqaviləsinin imzalanması prosesi gecikərsə, Ermənistan Azərbaycanı təcavüz etməmək paktı imzalamağa dəvət edib. Bunu Ermənistanın baş naziri Nikol Paşinyan Ordu Gününə həsr olunmuş çıxışında deyib.
“Biz Azərbaycana qarşılıqlı silahlara nəzarət mexanizmini tətbiq etməyi təklif etdik. Həmçinin sülh müqaviləsinin imzalanmasının gözlənildiyindən daha çox vaxt aparacağı üzə çıxarsa, təcavüz etməmək haqqında paktı imzalamaq təklif olunub”, – Paşinyan bildirib.
O, həmçinin qeyd edib ki, Ermənistan sülh gündəminə sadiqdir və bundan dönməyəcək. (Tass)