Yanvarın 28-də Şimali Koreya sualtı qayıqdan iki yeni “Pulhvasal-3-31” qanadlı raketini uğurla sınaqdan keçirib. Koreya Mərkəzi Xəbər Agentliyinin (KCNA) məlumatına görə , sınaqlara ölkə lideri Kim Çen In rəhbərlik edib.
Qeyd olunur ki, raketlər şərti hədəfləri dəqiqliklə vurub. Eyni zamanda onlar iki saata yaxın uçuşda olublar. “Sınaqın buraxılması ətraf ölkələrin təhlükəsizliyinə heç bir təsir göstərmədi və regiondakı vəziyyətlə əlaqəli deyildi. Kim Çen In sınaq nəticəsindən böyük məmnunluq ifadə edib”, – KCNA-nın bəyanatında deyilir. Digər təfərrüatlar verilmir.
Koreya Respublikası Silahlı Qüvvələrinin Qərargah Rəisləri Komitəsi yanvarın 28-də bildirib ki, KXDR özünün şərq sahillərindən Yapon dənizinə doğru bir neçə qanadlı raket atıb.(Tass)