“Təhrik-i-Taliban Pakistan” radikal qruplaşması Pakistanın Pəncab əyalətində terror aktları üçün yaraqlılardan ibarət yeni xüsusi dəstə yaradıb. Bu barədə “Dawn” qəzeti Pakistan kəşfiyyat xidmətlərinə istinadən xəbər verir.
Onların sözlərinə görə, Əfqanıstanda yerləşən TTP Pəncabda hüquq-mühafizə orqanlarını hədəfə almaq və Xeyber-Paxtunxva əyalətinin qəbilə bölgələrində təsirini artırmaq üçün “İstrna” adlı terror qanadı yaradıb. Əvvəlcə bu xüsusi birləşməyə 10-12 yaraqlı daxil idisə, indi kəşfiyyat məlumatlarına görə onun sayı təxminən 50 nəfərə qədər artıb.
İstrna yaraqlıları keçən həftə Pakistanın Əfqanıstan sərhədindəki Cəngi sərhəd postuna və Vohava rayonunda polisə hücumlarda mülki girovlardan istifadə edib, həmçinin orada yerli əhali arasında işə cəlb etməyi gücləndiriblər. Bu terrorçu dəstənin təhdidinə görə, Əfqanıstan sərhədi boyunca ucqar qəbilə bölgələrində və Laxani, Cəngi və Triman keçid məntəqələrində polis və sərhədçilər yüksək hazırlıq vəziyyətinə gətirilib. (Tass)