Fevralın 1-də Naxçıvan Muxtar Respublikası Ali Məclisinin yaz sessiyasının ilk plenar iclası keçiriləcək.
“Report”un yerli bürosu xəbər verir ki, toplantıda Ali Məclisin yaz sessiyası üçün qanunvericilik işləri planının təsdiq edilməsi, İntizam və Hesablayıcı komissiyalarının yenidən yaradılması nəzərdə tutulur.
Ali Məclisin Daxili Nizamnaməsinə əsasən, yaz sessiyası fevralın 1-də başlayır və mayın 31-dək davam edir.