Ermənistanın baş naziri Nikol Paşinyan hesab edir ki, Kollektiv Təhlükəsizlik Müqaviləsi Təşkilatı (KTMT) ən həlledici anda respublikanı öz problemləri ilə tək qoyub. O, bu fikri ölkənin İctimai Radiosuna müsahibəsində bildirib.
“Uzun müddət bizim təhlükəsizlik konsepsiyamız belə idi: Ermənistan KTMT-nin üzvüdür, Dağlıq Qarabağ problemi beynəlxalq səviyyədə tanınmış münaqişədir, ona görə də Ermənistan üçün təhlükəsizlik problemi yoxdur, biz diqqəti Dağlıq Qarabağın həllinə yönəltməliyik. Məlum oldu ki, KTMT nəinki Ermənistanın təhlükəsizliyini təmin etməyib, hətta ən həlledici məqamda “Bax, öz problemlərini özün həll et” deyib. İndi biz mümkün qədər müstəqil şəkildə öz təhlükəsizliyimizi təmin etməliyik”, – hökumət başçısı bildirib. (Tass)