Polşa prezidenti Anjey Duda Kiyevin Krımı qaytarmaq imkanının mövcudluğuna şübhə etdiyini bildirib. Reuters xəbər verir ki , Polşa lideri Ukraynanın Donetsk və Luqanski geri qaytara biləcəyinə ümid etdiyini bildirib.
“Ukraynanın Krımı qaytara bilməyəcəyini bilmirəm, amma inanıram ki, o, Donetsk və Luqanski qaytara biləcək”, – agentlik Dudanın sözlərindən sitat gətirib. Polşa prezidenti həmçinin qeyd edib ki, “əslində tarixə nəzər salsaq, Krım çox vaxt Rusiyanın əlində olub”.
2014-cü il martın 6-da Krımın Ali Şurası respublikanın Rusiya Federasiyasının tərkibinə daxil edilməsi xahişi ilə Rusiya prezidenti Vladimir Putinə müraciət edib. Həmin gün Krım hakimiyyəti martın 16-na referendum təyin edib. Sevastopol Şəhər Şurası referendumda iştirakla bağlı qərar qəbul edib. Martın 11-də Krım Muxtar Respublikası və Sevastopol şəhərinin Müstəqillik Bəyannaməsi imzalanıb. Martın 18-də Krım Respublikasının Rusiya Federasiyasına qəbul edilməsi və Rusiya Federasiyasının tərkibində yeni qurumların yaradılması haqqında Saziş imzalanıb. (Tass)