Aİ ölkələrinin xarici işlər nazirləri Brüsseldə keçirilən qeyri-rəsmi görüşdə Ukraynaya hərbi yardım və ya Avropa Sülh Fondunun həcminin artırılması perspektivləri ilə bağlı qərar qəbul etməyiblər. Aİ-nin xarici siyasət komissarı Josep Borrell görüşün yekunlarına dair mətbuat konfransında deyib ki, müzakirə “19 fevralda nazirlərin görüşündə davam etdiriləcək”.
“Ukraynaya dəstək haqqında ciddi müzakirələr oldu, biz döyüş meydanındakı vəziyyəti, dəstəyi, həmçinin gələcəkdə razılaşdırılmalı olan Ukraynaya dəstək fondunu müzakirə etdik. Biz hamımız razıyıq ki, Ukraynanın daha çox silaha, daha çox dəstəyə ehtiyacı var “deyib Borrell.
Aİ liderləri fevralın 1-də Brüsseldə keçirilən sammitdə Ukraynaya dörd il müddətinə 50 milyard avro məbləğində büdcə yardımı ayrılması qərarını təsdiqləsələr də, silah tədarükünü artırmaq üçün Avropa Sülh Fondunun həcminin artırılması qərarını təxirə salıblar”. (Tass)