İsrail Müdafiə Qüvvələri (IDF) Qəzza zolağında Fələstinin radikal HƏMAS hərəkatı ilə döyüşlər nəticəsində daha bir əsgərin öldüyünü təsdiqləyib.
Ordunun mətbuat xidməti bildirib ki, İsrail ordusunun 10-cu briqadasının 924-cü batalyonunda xidmət edən 24 yaşlı baş serjant Şimon Yehoşua Asulin şənbə günü Qəzza zolağının cənubundakı döyüşlərdə həlak olub. O, İsrailin Qəzza zolağında quru əməliyyatına başladıqdan sonra öldürülən 225-ci hərbçi olub.
Son məlumatları nəzərə alaraq, Fələstin-İsrail münaqişəsinin yeni kəskinləşməsi zamanı ölən İsrail hərbçilərinin ümumi sayı artıq 562-yə çatıb. (Tass)