Elm və Təhsil Nazirliyinin Polimer Materialları İnstitutunda “Əməyin mühafizəsi, təhlükəsizlik texnikası və bədbəxt hadisələrin qarşısının alınması” mövzusunda nəzəri-təcrübi seminar keçirilib.
Bu barədə AZƏRTAC-a institutdan məlumat verilib.
Seminarda Təchizat və xidmət şöbəsinin mühəndisi Vaqif İbrahimov mövzu üzrə məruzə edib. İnstitut əməkdaşlarının bilik və bacarıqlarının artırılması məqsədilə təhlükəsizlik texnikası qaydaları, yanğından mühafizə tədbirləri, odsöndürən vasitələrin növləri, onların təsnifatı, tətbiqi qaydaları haqqında danışılıb.
V.İbrahimov müəssisədə yanğın təhlükəsizliyi qaydalarına düzgün riayət olunması, mövcud olan nöqsanların aradan qaldırılması, yanğın hadisələrinin baş verməməsi üçün qabaqlayıcı tədbirlərin görülməsi məqsədilə müvafiq tövsiyə və göstərişlər verib.
Sonra təhlükəsiz iş şəraitinin təmin edilməsi ilə bağlı videoçarxlar nümayiş olunub.