ABŞ və Böyük Britaniyanın Yəməndəki husi üsyançı hədəflərinə zərbələri indiyədək Qırmızı dənizdə gəmiçiliyə yeni hücumların qarşısını ala bilməyib. Bunu Böyük Britaniyanın Müdafiə Nazirliyinin rəhbəri Qrant Şapps etiraf edib.
“Bu zərbələr husilərin [hərbi] imkanlarının əhəmiyyətli dərəcədə azalmasına gətirib çıxardı. Bununla belə, husilərin Qırmızı dənizdə gəmiçiliyə mane olmağa davam etmək istəyi hələ tam sona çatmayıb”, – Şapps ölkə parlamentindəki çıxışında bildirib. (Tass)