ABŞ-da mühakimə olunan bütün Rusiya vətəndaşları vətənə qayıtmayana qədər rus diplomatları dincəlməyəcək. Bunu Rusiyanın Vaşinqtondakı səfiri Anatoli Antonov Nyu Cersi ştatında həbsxanada cəza çəkən kiber fırıldaqçılıqda ittiham olunan rusiyalı Vladislav Klyuşinə baş çəkdikdən sonra jurnalistlərlə söhbətində deyib.
“Vurğulamaq istəyirəm ki, Vladislav Dmitrieviç (Klyuşin) kimi 115-ə yaxın adamımız Amerika Birləşmiş Ştatlarındadır. Bunlar Amerika Birləşmiş Ştatlarına ekstradisiya edilmiş və ya burada qondarma ittihamlarla həbs edilmiş insanlardır”, – səfir bildirib.
“Nyu-Yorkdakı, Hyustondakı baş konsulluqlarımıza, Vaşinqtondakı [səfirliyimiz] olmasına baxmayaraq, demək istəyirəm ki, bütün həmvətənlərimiz nəhayət evlərinə, ailələrinə qayıtmayana qədər dincəlməyəcəyik”, – Rusiya diplomatik missiyasının rəhbəri vurğulayıb. (Tass)