Fələstinin radikal HƏMAS hərəkatının Qəzza zolağında döyüşlərə yeni fasilə verilməsi və girovların azad edilməsi təklifinə cavabı İsrailə ötürülüb. Bunu Qətərin paytaxtı Dohada keçirdiyi mətbuat konfransında ABŞ dövlət katibi Entoni Blinken də təsdiqləyib.
“Yalnız onu deyə bilərəm ki, biz təklifə cavab almışıq. Biz onu intensiv şəkildə öyrənirik. O, israillilərə təhvil verilib. Və sabah (7 fevral – TASS qeydi) bu söhbəti İsraildə davam etdirəcəyəm. Amerika diplomatiyasının rəhbəri deyib.
Blinken Səudiyyə Ərəbistanı, Misir, Qətər, İsrail və Fələstin ərazilərinə səfərləri əhatə edən Yaxın Şərq turundadır.